WTO well...

1, 未開會之前，絕大部份香港傳媒/官方著眼點為如何應付示威，並將南韓示威者定性為高危搞事者。奈何絕少篇幅用於講解WTO的目的，議提等…絕大部份市民被傳媒的mediated reality 引導下將WTO注意點focus on 示威，especially on 南韓示威者上。

2, 會議正式開波，為數四五十個南韓示威者與警察發生衝突，被傳媒再一次portrayed as 暴民。但從電視機/報紙上的畫面所見，有三分之二既人都只不過是記者/映相看熱鬧的普通香港市民。甚至乎有TVB記者於晚上韓人的和平晚會上於直播時才戴頭"窺"，究竟係要如實報導定係取悅緊觀眾既口味？

3, 會議中段個幾日，有報章都話外國傳媒奇怪香港傳媒投放咁多篇幅落示威/暴力上…蘋果幫自已解話，引用個別記者所講，因為關乎社會秩序。不如說為了乎合香港人口味，愛看暴力，不關注世界大事？又或者蘋果本身無力採訪？

4, 韓人用三步一叩遊行，報導說感動了不少香港人。神又係你，鬼又係你，想點？不過還好，總叫做令多了香港人知道人地窮到七彩仲死到要黎香港示威為乜。

5, 禮拜六，極多衝突。老實說，搞事的人不多，大部份搞事都叫做細規模，都係個句，香港食飽飯無屎屙既人實在太多，成個畫面得四五十人搞事，其餘數百人都係無屎屙湊熱鬧的。香港人真係要檢討下，班南韓人叫你地走，用英文話"dangerous!...etc"都唔走，係咪你唔識英文？到夜晚越搞就好似越亂，成個灣仔都封埋，傳媒就報導成好恐怖，但在我而言，警察只係想清場方便做野，無屎屙既人太多，陣住差佬做野…

6, 世貿終於叫做完左，亦做左個宣言出黎，話建議2013年撒消農產品subsidies...記住，建議咋，根本傾左等於無傾。叫班傳媒試下走去問下反世貿既香港人，睇下佢地因咩反對世貿啦！A, 被反世貿既標語吸引 B, 同情南韓示威者 C, 反對警方使用過份暴力 D, 映相湊熱鬧，我諗都係呢四個答案為主。世貿固然有佢存在既價值，但同時亦有佢既唔好既地方。要真真正正做到公平貿易，仲有好長既路要行，但同時間WTO絕不能忽視minority 既存在。

7, 反WTO示威入邊，有不少人—其實都搵唔少著數。好似例行個別宗教公眾人物，NGO，所謂既大學生出黎好行咁話警察使用過份暴力，well!如果佢地有親人當差佢地會點睇？警察ensure 個會安全係佢地既職責，相比起之前幾次WTO示威，香港警察已經係好被動，由得你地打。佢地越玩越激就反而係奉旨？咁又係，香港人都奉旨慣，爭取普選已經見到啦，想要咪起勢係咁嗌，又無討價過價既餘地，又唔睇清楚個形勢。好似同人街市講價，人地十蚊斤，你一開波就回價三蚊斤，人地無肉食仲啋你？痴線

8, WTO會議完全睇到香港人既share value, "八，超八！"，而香港傳媒老實說無一個單位係信得過，真係好一個mediated reality and it is clear that it is only part of the reality ONLY...連TVB都搞d咁既野，所以話香港人怕死係岩既！今次會議有人話WTO Conference教到香港人多一點公民意識，我諗並不在於擴闊香港人視野，而係記得大型活動過後要?執?垃?圾?。遲下食環處可以請班韓農黎香港拍下清潔香港既宣傳片。