灰

番過咁多份工，番呢到真係番到個人灰晒。個腦只係諗緊快d過埋七月去…

以前個d工，最多都只會埋怨下做既野有幾悶，個shift點唔好搞到出街唔方便…

依家呢份？SGS，我都係過呢間公司既另一個dept做過，但點都生諗過個dept. culture and 待遇會相差得咁緊要(我講的唔係金錢上。)

我係softlines做過，而另一個summer 就試過係toys個邊做過，但都未聽過如呢個dept.入邊所訂既咁唔人道，咁唔make sense既rules and regulation，而班員工又受喎。

先講點唔人道，班full time人工居然被壓價，跟不同dept.比，無一個人既價會同下面既一樣。e.g., $5500既工，普遍都被壓至5200左近及無長短周。番2nd shift既其他dept.可以俾你出去食飯而係計埋個一個鐘錢，又呢個dept就計到足，除非你最遲十點半番先俾你食。記住，2nd shift係六點半先可以食飯萊，同埋只得半個鐘。(計下如果我十一點番，有人住得遠遠話，九個字車程，即係最遲十點三要出門口，亦即係話，計係食得快半個鐘搞掂的話，都要九點九開始食早餐，跟住去到六點半先可以再食野，可以話你一係番早d，一係就唔好番。而公司個admin都話，你番早個一個半鐘，唔幫得d乜，開得個job黎又食飯。恕我愚昧，個一個半個鐘已經可做做到幾組野啦喎？ok啦，既然你覺得咁係唔夠既，我緊係唔番啦，我對你呢個dept.丁點loyalty都無，加埋d咁怪雞既rules，叫得郁我都幾難)。我唔係跟外邊其他公司比較，而只係單單跟自已公司內部其他dept比而已，而大家做title一樣，做既野都係相差無幾。

除左呢個dept既不人道兼怪雞既規矩，成層人既是非係我咁多份工之最。我當然無聽過啦，但我推論因為我之前番黎OT食飯既問題同我地暑期工既待遇比佢地好而又唔願意番早OT而成為眾人既話題。點解咁諗？從好多地方都觀察得到呢班full-time刻意同我地呢四個暑期工分得好開。話說早兩日有人傳野食，佢地係好刻意唔傳俾暑期工。我當然唔恨食啦，但無諗過大家同一個dept打工，會分得咁開，又計較得咁緊要姐。我同另外一個summer都話，以前係SGS另外既dept做summer/同d summer一齊既時候，咪又係一齊玩，一齊食飯……呢個dept d 人真係…仲有呢，今日同一個full-time 出黎食飯，傾下計咁，約都已經要好神秘，而傾既只係俾一d心得我地，因為當中有三個都係讀緊chem.，又講番個市場實況過佢地。所有野都好正面，但突然間同一層做野既人落黎食飯撞到，個full-time 都話，被佢地見到我同你地食飯番到去又有排講了。空穴來風就事必有因，點解要咁做？唔好同我講你地班友覺得我地懶。我地只係按本子辦事姐，你願意屈服於呢個咁唔公平既環境下做野係你做已揀既，我有番過黎OT，但番第一次就已經搞到咁多野同埋知道呢個dept咁對d員工，我仲做乜要跟你賣力？

我亦都明白，係度做full-time 既，學歷相對係低，所要求既亦都跟我地暑期工既唔同。你地要既係stability，一間大公司請你，又有咁多benefit就緊係好啦。但好明顯個boss係打壓緊你地，你地無討價還價既能力之餘，人到左某個年紀就情願一份安穩既工，even自已唔係太喜歡的。但我地既stand point係，我地知個情況，我地知呢個dept搞緊咩，你份人工少d，個cost又細d，假設個收入無變下(問過啦，入黎d辦同往年差唔多，唔係多好多)，佢做出黎個盤數都靚好多啦。而且，呢個dept相比起其他dept係好細的！雖然係咁姐，但d staff唔係咁樣被你舞架……

老實說，呢個dept既regulation 有幾差並唔係我最大原因覺得係度做係灰。我自已成日都諗，縱使你份工d野幾唔好做，幾咁悶，幾咁無挑戰性，幾唔岩自已，最重要既係做得開開心心，同班同事相處融洽。以前係softlines入辦個陣，我都好唔鐘意做clerk work 架，但因為同班同事相處得好好，所以我會做得耐(其實做clerk work 係迫自已唔好做得耐，逼自已會讀番書姐)。呢度？full-time 同summer既完全係兩part人，所以如另一個summer所講，我就算番黎做，我都會再係呢個dept做，同埋做完呢度係唔會對呢度d人同事留戀。