hmv.com.hk

早於十一月中瀏覽 hmv.com.hk，並訂了一只香港買唔到既CD。因當時我的信用咭未activate VISA認證，好彩的是hmv.com.hk 提供電話提供信用咭資料的渠道，我於後一日辦公時間內打電話上hmv.com.hk。而惡夢亦慢慢開始了。

我先前已細閱hmv.com.hk send俾我的email，明白要先打上去提供信用咭資料後，然後要收到hmv.com.hk的email通知才落鋪取碟。我先跟住佢提供既電話號碼打去提供資料，豈料那個電話是錯的！個電話係香港HMV門市counter的電話。佢地對hmv.com.hk既事完全唔清楚，搞左一陣子佢地先知我打黎做乜，最後佢地都俾到個正確電話我。我再打去個「正確電話號碼」，接聽個位又係唔知做乜的，我要反問番佢我係咪要俾番呢d，個d資料俾佢(我都有少少接電話的CS exp.呢...)，俾完資料我問佢幾時有貨，佢話約兩個禮拜度有。完事後給我的印象是，HMV這個online purchase真的很爛，完全表現唔到一間全球黎講數一數二既唱片公司。

等了約個半禮拜，我就開始覺得奇怪，理論上我提供完信用咭資料應該send番個email過我做record，點知無。另外hmv.com.hk入邊有得睇你個order status, 我只見到我個order status係open，同埋有句野話個order未付運你都可以cancel order，除此之外乜都無。我有點心急，因為想佢快d有，咁岩禮拜一經過尖咀HMV，我就走入去睇下佢地有無現貨。

當然，現貨係沒有的。跟住我就好奇走去counter問人佢地有無呢隊Band/隻碟，佢將我誤會為另一個早前搵佢訂碟既人。跟佢傾開，發現HMV門市跟hmv.com.hk網站係完全分開的！事緣我講番個情況俾個sales聽，佢只話hmv個網既野我地完全唔知，而佢話佢地都有幫客提供訂碟服務。跟住我就提供番我想訂既碟既名俾佢聽，佢話可以幫我訂。當時我唔太記得隻碟同隊Band個名，跟住我就上番hmv.com.hk check番。個sales一見到就話，呢隻碟連DVD訂唔到架喇！我心諗，點解個網d data可以咁update?!

最後，好好彩個sales都幫我訂到碟，無dvd的version，仲落埋訂，但我又要再等多2~3weeks....


hmv.com.hk，去死啦你，原以為你一間大公司搞埋個online sales好掂好方便，點知原來得個殼。你有心搞就搞好d，你搞到咁爛就唔該你咪鬼開啦！
一係就只提供資訊去aid 你個offline sales，搞唔掂online sales就咪掂啦，做衰自已個brand!