感受

接近十九個鐘無訓過。

番屋企既時候我忽然諗起當日上BBDO briefing時，brief完有個女人(唔記得名)同我地講過下入廣告呢行要先知道既fact。我地會預到好多壓力，要趕deadline，被客鬧等。我只覺得呢d並唔係叫我放棄入行既原因，只因為我之前都做過CS，更無理既人我都見過，被人當街當巷被人鬧都試過，我只覺得瘀既唔係我，係個客，所以我從來唔會將呢d事放係心，只會當笑話share被人聽。更重要既係，辛苦並唔係我要考慮既其中一個因素囉！

但佢之後講左一樣壓力，係由自已同伴俾你的。同一team人，能力有高有低，人地做唔到野交唔到科既時候，你會好燜，好惱，又要做埋佢個份，但事情做得好佢又有份，做得壞你又有份....今日我深深睇會到了。

呢個MarCom自plan 1個陣決定做一個我完全唔熟，又唔鐘意既product去做project既時候，其實有d後悔，但我知道我幾唔鐘意都好，一個好既marcom最基本係你要對你將要sell既產品同其競爭對手有充份了解，不然的話你只跟街客，無知婦孺一樣亂吹，個plan會無說服力。於是乎我的起心肝subscribe一d關於三大game console既newsgroup去留意佢地既動向，了解玩XBOX360個班人點睇自已玩緊既機。

我周不時發神經食飽飯無屎屙沖涼既時候諗下點sell 佢好，到前一個禮拜我叫自已的groupmate得閒留意下部機d資料，你連部機係點都唔知好難做到個plan的，當然我講既野無人聽啦。到傾個present，同做既過程中，我諗過好多idea，放左好多心機落去。時間雖然係唔夠，但我好仔細咁不停同groupmate傾到有個共識，至少清楚我地最最最重要既marcom objective，除此之外係其他campaign, function度我都諗得好仔細，傾既時候亦都好清楚。

可惜既係到pre前一晚發生了如BBDO所講既，人既能力係有高有低。我對呢科好有興趣，我呢科對自已期望好高，但可惜既係，唔係個個人都好似你咁諗。你身邊既人可能只但其合格，自已做唔掂既野總會有人自動走過黎幫你手埋尾。我今朝，(無錯，係做到今朝九點幾!!)真係做到超燜。原先我地傾得好完美既media plan搞到被迫爛尾。

唔緊要~~~

呢個係壓力既一種，我唔會惱。對住一舊棉花，你點打佢，佢都唔會俾反應你。自問我問心無愧，我是次所付出既幸運地都有少許回報。最起碼我所諗既野係被人認同，有讚賞(大佬有成三分二我做架喎)。自問不論presentaion skills，同埋個content都有一定既改善空間，所以我被"Ban聊"話我個group係呢班黎講算最好，我呆左(下?我覺得我已經做得好求其了)。如果我將括號所講既野係堂上大大聲咁講，我一定會被人boyscott。

我只可以講，你對自已期望定得高既同時，不要將同等期望強加於他人身上。