From "啖啖靚雞，專家炮製" to "So Real!"

KFC總裁「飛」雞求變

臨 近 聖 誕 ， 肯 德 基 推 出 燒 雞 Party 桶 ， 還 找 來 歌 星 楊 千 嬅 及 側 田 來 大 賣 廣 告 。 其 實 肯 德 基 近 年 不 斷 變 身 ， 廣 告 口 號 由 從 前 的 「 啖 啖 靚 雞 ， 專 家 炮 製 」 改 為 「 KFC ， So Real 」 ； 由 只 有 兩 款 的 炸 雞 ， 到 現 在 有 超 過 四 十 款 食 品 。肯 德 基 先 後 由 英 資 洋 行 和 記 黃 埔 和 太 古 經 營 ， 但 生 意 都 做 不 起 ， 自 九 九 年 落 入 會 計 師 出 身 的 楊 耀 強 手 上 ， 才 把 香 港 肯 德 基 救 活 ， 他 不 但 在 七 年 內 把 分 店 由 十 六 間 擴 張 到 六 十 七 間 ， 更 把 營 業 額 催 谷 至 每 年 八 點 八 億 元 。
作 為 肯 德 基 特 許 經 營 商 Birdland （ 香 港 ） 行 政 總 裁 的 楊 耀 強 說 秘 訣 在 於 變 ： 「 肯 去 變 ， 要 去 變 ， 真 係 要 變 。 」 他 甚 至 放 下 「 雞 」 的 包 袱 ； 推 出 迎 合 香 港 人 口 味 的 食 品 。

楊 耀 強 簡 歷

學 歷 ： 美 國 俄 勒 岡 大 學 的 理 科 學 士 ； 美 國 西 北 大 學 和 香 港 科 技 大 學 的 工 商 管 理 碩 士 ， 同 為 美 國 伊 利 洛 州 的 註 冊 會 計 師 。1986-1994 ： 羅 兵 咸 永 道 會 計 師 事 務 所 稅 務 部 門 工 作 至 稅 務 經 理 ， 曾 到 香 港 、 芝 加 哥 及 洛 杉 磯 辦 事 處 工 作 ， 於 香 港 則 一 直 為 何 煥 文 的 下 屬 。
1994-1997 ： 跟 隨 師 傅 何 煥 文 到 印 尼 必 勝 客 任 財 務 總 監
1997-1999 ： 出 任 持 有 台 灣 肯 德 基 Wybridge Holdings Limited 的 財 務 董 事
1999 ： 任 香 港 肯 德 基 執 行 董 事
2005 至 今 ： 香 港 肯 德 基 行 政 總 裁 和 特 許 經 營 商

十 一 月 初 尚 未 有 秋 意 ， 肯 德 基 已 急 不 及 待 推 出 以 BBQ 為 題 的 蜜 蜜 燒 雞 翼 ， 地 鐵 、 報 章 雜 誌 等 皆 見 到 代 言 人 楊 千 嬅 和 側 田 拿 燒 雞 翼 大 嗌 「 So Real 」 的 廣 告 ； 同 時 ， 店 內 推 出 換 購 多 啦 A 夢 的 遙 控 錄 音 機 和 可 錄 音 鬧 鐘 精 品 ， 引 來 大 批 多 啦 A 夢 擁 躉 。 正 在 apm 分 店 排 隊 換 精 品 的 Kevin 表 示 ， 多 啦 A 夢 的 漫 畫 他 全 都 看 過 ， 「 我 見 KFC 又 有 多 啦 A 夢 錄 音 機 換 ， 咪 即 刻 過 食 。 」面 對 麥 當 勞 這 強 勁 對 手 ， 加 上 三 大 港 式 快 餐 集 團 美 心 、 大 家 樂 和 大 快 活 ， 這 位 架 粗 黑 框 眼 鏡 ， 肯 德 基 特 許 經 營 商 Birdland （ 香 港 ） 行 政 總 裁 楊 耀 強 指 競 爭 甚 為 激 烈 。 「 人 人 以 為 KFC 對 手 只 係 麥 當 勞 ， 仲 有 其 他 ， 邊 有 咁 易 做 ， 要 做 得 住 ， 乜 都 要 快 要 變 。 」 他 不 慍 不 火 道 。 雖 然 口 中 常 掛 麥 當 勞 並 非 其 對 手 ， 但 觀 其 推 廣 策 略 ， 每 每 都 盯 麥 當 勞 。

麥 當 勞 死 敵

以 往 多 間 出 名 的 美 國 快 餐 店 ， 好 像 Burger King 、 Wendy's 等 先 後 進 駐 香 港 ， 但 最 後 都 黯 然 離 場 ； 即 使 七 十 年 代 仍 是 英 資 的 和 黃 ， 買 下 肯 德 基 （ KFC ） 香 港 特 許 經 營 權 後 ， 數 年 後 已 關 門 大 吉 。 他 對 此 有 一 番 見 解 ， 「 將 美 國 條 方 程 式 直 接 搬 過 香 港 ， 梗 係 唔 得 ， 淨 係 桌 椅 大 小 已 經 唔 會 。 如 果 我 仲 係 廿 年 前 套 ， 以 『 啖 啖 靚 雞 ， 專 家 炮 製 』 做 賣 點 ， 都 做 唔 住 啦 。 」眼 見 麥 當 勞 改 頭 換 面 ， 以 「 I'm lovin' it 」 吸 引 年 青 人 ， 他 亦 不 甘 落 伍 ， 為 肯 德 基 來 個 大 革 新 ， 即 使 與 「 雞 」 風 馬 牛 不 相 及 ， 只 要 有 市 場 的 就 力 谷 。 於 去 年 索 性 將 口 號 改 為 「 KFC ， 呢 刻 最 真 」 ， 更 重 新 裝 修 分 店 ， 令 店 內 更 為 光 猛 ， 又
與 本 地 設 計 師 Eric So 出 手 語 figure ， 和 日 本 著 名 品 牌 Devilock 出 日 本 潮 流 玩 意 Palmboy 精 品 ， 實 行 與 麥 當 勞 鬥 「 潮 」 ， 鬥 搶 年 青 客 人 。見 麥 當 勞 先 有 Hello Kitty 公 仔 ， 後 有 大 頭 狗 換 購 ； 他 同 樣 不 執 輸 ， 自 ○ 二 年 推 出 多 啦 A 夢 系 列 精 品 ， 全 都 是 買 入 版 權 ， 再 自 己 找 廠 製 造 。 會 計 師 出 身 的 他 ， 原 來 揀 中 多 啦 A 夢 都 有 諗 過 度 過 ， 「 多 啦 A 夢 老 、 中 ， 青 三 代 ， 男 男 女 女 有 睇 過 ，
夠 晒 長 青 。 」

逼 出 新 橋

始 終 做 食 肆 食 物 最 重 要 ， 肯 德 基 向 來 以 雞 做 主 打 ， 要 做 到 口 味 多 元 化 總 有 局 限 。 楊 耀 強 多 次 強 調 自 己 賣 的 是 「 真 雞 」 ， 對 於 度 橋 擺 出 一 副 全 無 難 度 的 樣 子 ， 「 個 個 以 為 做 KFC ， 淨 係 得 雞 ， 用 腦 其 實 可 以 有 好 多 變 化 。 」九 九 年 他 接 手 肯 德 基 ， 眼 見 市 面 掀 起 葡 撻 熱 ， 便 即 向 澳 門 瑪 嘉 烈 餅 店 買 了 葡 撻 秘 方 ， 推 出 五 蚊 一 個 葡 撻 ， 一 個 葡 撻 就 把 營 業 額 推 高 一 成 ； ○ 三 年 他 和 員 工 燒 烤 時 ， 見 同 事 愛 燒 雞 翼 ， 令 他 想 到 推 出 蜜 蜜 燒 雞 翼 ， 吸 納 非 炸 雞 捧 場 客 ， 他 又 將 產 品 本 地 化 ， 如 推 出 白 汁 雞 皇 飯 、 椰 果 芒 果 賓 治 等 。 雖 然 每 次 都 要 經 肯 德 基 亞 洲 總 部 批 准 ， 但 總 部 接 受 能 力 高 ， 即 使 宮 保 雞 卷 等 都 能 通 過 。 到 現 在 ， 他 仍 狂 「 弗 」 研 究 拓 展 部 和 市 場 部 的 同 事 ， 要 求 每 六 星 期 要 出 新 產 品 ， 每 個 月 要 有 新 宣 傳 計 劃 ， 以 維 持 品 牌 的 新 鮮 感 。楊 耀 強 笑 說 ： 「 每 星 期 都 要 有 新 產 品 試 ， 有 時 試 食 完 都 諗 唔 到 點 sell ， 即 係 唔 特 別 啦 ， 咁 同 事 就 會 好 自 覺 再 製 新 產 品 出 。 」

一 百 分 亦 未 夠

現 在 每 年 香 港 肯 德 基 營 業 額 都 有 一 成 的 增 長 ， 他 一 臉 自 豪 說 ： 「 賣 雞 產 品 ， 都 可 以 五 花 八 門 ， 即 使 葡 撻 都 係 用 雞 蛋 做 ， 唔 係 又 同 雞 有 關 ？ 」肯 德 基 高 級 市 務 經 理 王 芷 琪 說 有 時 對 上 司 楊 耀 強 ， 也 有 一 點 壓 力 ， 「 楊 先 生 數 口 好 好 ， 每 間 鋪 由 租 金 、 面 積 、 座 位 數 目 到 市 場 推 廣 預 算 全 都 記 得 ， 我 花 公 司 每 分 錢 都 要 好 小 心 。 記 得 做 多 啦 A 夢 產 品 ， 楊 生 連 訂 邊 間 廠 會 平 ， 都 會 俾 意 見 。 」自 言 做 事 做 足 一 百 分 都 未 夠 的 楊 ， 對 下 屬 甚 有 要 求 ， 美 國 肯 德 基 總 部 每 個 月 會 派 出 神 秘 顧 客 到 各 地 肯 德 基 試 食 ， 即 使 香 港 肯 德 基 拿 得 九 十 八 分 ， 但 他 仍 然 堅 持 前 線 的 工 作 人 員 每 三 個 月 要 接 受 訓 練 ， 無 論 化 妝 、 儀 態 、 英 文 等 樣 樣 都 要 學 。 「 周 圍 個 個 都 進 步 ， 所 謂 不 進 則 退 ， 我 點 可 以 停 。 」楊 耀 強 亦 無 時 無 刻 為 肯 德 基 度 橋 ， 免 費 報 紙 便 令 他 想 到 推 出 以 潮 流 資 訊 為 主 的 《 Real 》 免 費 雜 誌 ， 今 年 三 月 起 每 月 在 街 上 派 發 。 「 與 其 等 客 留 意 KFC ， 不 如 行 多 步 俾 佢 認 識 我 多 。 」 雜 誌 內 有 肯 德 基 優 惠 外 ， 連 光 顧 外 賣 速 遞 都 有 電 影 VCD 送 ， 客 人 能 在 家 邊 吃 雞 ， 邊 看 免 費 電 影 ， 目 的 是 開 拓 外 賣 市 場 。 他 淡 淡 然 說 ： 「 橋 ， 點 會 無 ？ 行 出 街 周 圍 都 係 啦 ！ 」


跟 師 傅 闖 印 尼

一 直 在 羅 兵 咸 永 道 做 會 計 師 的 楊 耀 強 主 要 做 稅 務 ， 以 前 從 未 想 過 做 過 食 肆 ， 直 到 九 四 年 ， 他 的 上 司 兼 師 傅 何 煥 文 （ Arthur Ho ） 對 他 說 ： 「 仔 ， 有 無 興 趣 跟 我 去 印 尼 ？ 」 他 二 話 不 說 毅 然 辭 職 ， 跟 上 司 到 印 尼 做 Pizza Hut 財 務 總 監 。 「 師 傅 睇 得 我 起 ， 點 可 以 say no ？ 」 他 坦 言 那 時 只 有 對 師 傅 的 信
任 ， 其 他 全 置 之 不 理 。誰 知 到 後 ， 他 才 發 覺 不 單 語 言 不 通 ， 更 要 一 腳 踢 包 辦 採 購 、 開 鋪 及 營 運 ， 「 同 下 屬 雞 同 鴨 講 ， 每 次 俾 指 引 佢 ， 都 花 成 一 個 鐘 先 明 。 」 而 且 還 要 適 應 他 們 的 生 活 習 慣 ， 「 香 港 工 作 大 過 天 ， 邊 反 而 宗 教 大 晒 ， 一 日 要 祈 五 次 禱 ， 又 要 午 睡 ， 不 過 咁 訓 練 出 我 耐 性 。 」 他 笑 說 若 沒 有 那 段 親 力 親 為 的 日 子 ， 恐 怕 打 理 餐 廳 也 沒 有 上 手 得 那 麼 快 。及 至 九 七 年 太 古 重 整 業 務 ， 認 為 香 港 肯 德 基 規 模 細 ， 賺 錢 不 夠 其 他 業 務 如 地 產 、 商 場 等 多 ， 決 定 把 肯 德 基 賣 盤 。 此 時 ， 何 煥 文 亦 想 轉 變 業 務 ， 結 果 收 購 了 台 灣 及 香 港 的 肯 德 基 ， 楊 耀 強 又 隨 師 傅 過 台 灣 由 零 開 始 ， 兩 年 間 開 了 廿 間 鋪 。 「 做 快 餐 先 要 佔 有 市 場 ， 開 鋪 一 定 要 快 才 可 站 穩 陣 腳 。 」 到 九 九 年 ， 何 煥 文 決 定 賣 出 台 灣 業 務 ， 回 港 專 心 發 展 肯 德 基 。 有 了 過 去 五 年 的 根 基 ， 這 次 楊 耀 強 一 看 便 知 道 香 港 肯 德 基 的 弊 病 ， 「 麥 當 勞 可 以 做 得 住 ， 係 因 為 開 得 快 ， 開 得 多 ， 當 時 肯 德 基 香 港 只 有 十 六 間 。 」

二 線 區 域 擴 張

於 是 ， 他 一 上 場 ， 便 大 開 分 店 ， 連 過 往 被 忽 略 的 二 線 區 域 ， 如 北 角 、 香 港 仔 等 ， 都 迅 速 擴 充 。 「 雖 則 二 線 區 域 ， 但 我 產 品 唔 貴 ， 所 以 一 線 跟 二 線 區 域 的 消 費 可 能 只 相 差 一 兩 蚊 ， 不 過 二 線 區 域 近 屋 苑 ， 反 而 做 多 晚 市 生 意 。 」可 惜 前 年 他 的 師 傅 何 煥 文 在 印 尼 耶 加 達 ， 剪 完 髮 洗 頭 時 ， 頭 部 往 後 一 伸 就 過 身 ， 終 年 只 是 五 十 出 頭 。 想 起 過 去 與 師 傅 南 征 北 討 的 日 子 ， 他 感 慨 說 ： 「 如 果 無 佢 提 攜 ， 我 今 日 都 無 呢 個 成 就 。 」 香 港 肯 德 基 公 司 亦 因 此 易 手 給 馬 來 西 亞 的 基 金 公 司 Navis Fund 。 基 金 向 來 數 口 甚 精 ， 亦 以 回 報 為 大 前 提 ， 但 此 基 金 一 上 場 見 肯 德 基 擴 張 發 展 理 想 ， 即 主 動 給 予 他 股 份 ， 留 低 他 幫 手 打 江 山 ， 而 肯 德 基 在 香 港 的 特 許 經 營 權 合 約 也 延 長 至 二 ○ 一 五 年 。
現 時 ， 肯 德 基 本 港 的 業 務 只 是 麥 當 勞 的 三 分 之 一 ， 但 楊 耀 強 不 以 為 然 ， 反 駁 在 美 國 以 至 中 國 ， 肯 德 基 一 直 領 先 麥 當 勞 。 「 我 目 標 係 二 ○ 一 ○ 年 分 店 可 以 有 一 百 間 ， 做 快 餐 都 係 講 市 場 佔 有 率 。 老 實 講 ， 中 國 人 梗 係 鍾 意 圍 住 share （ 分 享 ） 食 先 開 心 ， 食 飽 你 話 俾 我 聽 可 以 點 分 ？ 」 他 瞇 眼 笑 說 。


樣 貌 跟 肯 德 基 創 辦 人 山 德 士 上 校 有 點 相 似 的 Birdland （ 香
港 ） 行 政 總 裁 楊 耀 強 ， 過 去 七 年 ， 把 肯 德 基 起 死 回 生 ， 他
說 秘 訣 在 於 一 個 字 ： 「 變 」 。

肯 德 基 以 歌 星 楊 千 嬅 及 側 田 做 代 言 人 ， 趁 聖 誕 節 力 推 燒 雞
Party 桶 。

四 年 前 楊 耀 強 買 入 多 啦 A 夢 的 版 權 ， 其 後 設 計 、 生 產 等 都 一
手 包 辦 ， 雖 然 工 序 麻 煩 ， 但 勝 在 設 計 有 彈 性 。

這 間 位 於 apm 商 場 內 的 肯 德 基 分 店 ， 裝 修 用 上 透 明 玻 璃 ， 引
入 天 然 光 ， 給 人 較 開 揚 的 感 覺 。