教我怎樣好？

剛剛致電給細姑姐，跟她說禮拜六約麻麻外出飲茶。豈料她說麻麻的「妄想」又嚴重了，因她昨日動手罵工人話人家唔俾佢食飯之餘，又話姑丈想"lin"死佢。佢同我講話佢已經係廁所入邊細細聲同我講，又話帶左麻麻去睇精神科醫生關於「妄想」嚴重左既問題，而呢幾日麻麻唔會出街住，等佢休息下。

我聽完，十分擔心。

1, 麻麻話姑丈想"lin"死佢根本唔係妄想，因我跟我屋企人都睇得出呢個所謂姑丈實際上暗地裡做左好多我地都唔知既事而影響到我地呢邊家人和姑姐之間的關係，再者，我唔係第一次聽到/見到姑丈精神上/肉體上虐待我阿麻。所以我擔心的是，姑姐本身精神有問題，一個精神有問題既人帶個老人家去見精神科醫生話老人家有精神病，仲講到似層層，驚嗎？陣間開左d唔知乜野藥搞到阿麻更加吽咁點先？

2, 我感覺到姑姐個病根本就嚴重左，但個姑丈有無俾適當既advice，帶佢去睇醫生呢？佢嚴重到呢個地步我諗無理由唔叫姑姐食藥吧？

講完電話就出去將我聽到既跟我老豆講。原來成件事有另一個版本，個版本黎自我阿爸請番黎幫手照顧麻麻既人，當時佢親眼睇清楚晒成件事。

成件事剛好相反，事緣阿麻禮拜三上完個d for老人痴呆症病人既堂(對一個八十歲既老人家黎講都幾體力勞動)之後話好累，跟姑姐講話不如唔好番禮拜三，淨番禮拜五(之前係三、五都要番，一番就好幾個鐘)而已。點知我姑姐就黎料，將屋企d野亂掉發狂，又不停話阿麻麻。之前姑丈番到屋企之後又加把嘴，話阿麻淨係識得食唔識做，又話阿麻借左佢地錢無還(事實係早前阿麻入院，我老豆當住佢地同我二姑姐講到明無錢(都要十幾萬找數)，而我姑姐佢地話俾住的)，又話阿姑姐有乜事我就"lin"死你，邊講又用手"lin"住我阿麻隻手，微微用指力"lin"我阿麻等…仲有其他的，又話其他個兩個兄姊都唔理你，依家得姑姐睇你咋！跟住又提及點安置好個印傭，姑姐佢地提議個印傭同阿麻同一間房，但麻麻話情願訓廳，要不然就搬出去。跟住佢地又發癲了…

我聽完大概個事實真相，我第一時間就諗到報警，尤其是個姑丈，身為差人，但知法犯法，精神虐待老人家。

新仇舊怨加埋，可以有以下總結：

1, 麻麻的脾氣不太好，喜歡指指點點control人，但自我姑姐唔理佢一大陣子，加埋肺炎後，記性差了好多，又吃了「開心藥」，等佢個腦轉數慢d易照顧。而阿麻又並不如我姑姐佢地所講有咁多問題，e.g. 妄想。阿麻其實知姑姐有精神病，佢知佢依家個處境，又想幫下佢自已個女…

2, 姑姐以前都覺得佢有點神經質，樣樣野都過度緊張，到依家發展成為一個精神病。呢個病使佢有種操控人既desire，所以佢要阿麻做乜，阿麻就要做，要不然佢就會病發。我地呢d身邊既人都要跟住佢定既野黎做，要不然又會發作。依家無人知佢有無食藥，而我亦唔知佢邊句真邊句假。姑姐都試過order我去聽佢話，唔聽的又會嚇我「你唔咩咩咩，我會發癲架！」(發癲輕則亂掉野，中則寫下遺書，重則跳樓。後兩者佢真係試過，當時我飛去佢屋企去安慰佢...)其實我呢個姑姐好慘，我只覺得佢信錯人。

3, 我對呢個所謂姑丈既認識不深，佢人前係一個好好先生，信教，又有作事奉，但係人後就完全相反。除上面既事以外，我屋企每一個人都認同佢係背後做左好多野，陰d陰d咁破壞我地呢家人既關係，又要將所有問題都歸究於我阿爸。

4, 我老豆以前的而且確會唔聽人講野，講野個語氣好令人反感，但呢件事令佢改變左好多。以前佢會好唔鐘意我姑姐，到依家會擔心阿麻之餘亦會擔心我姑姐。到呢一刻都按兵不動去處理呢呢個問題就係因為怕我地一帶走阿麻之後，姑姐就會發癲。早前試過呢個plan，老豆見姑姐做左好大反應之後就唔搞，但個姑丈仲居然係阿姑姐情緒不穩既時候仲問我地幾時帶阿麻走。真係路人皆見佢個目的。

唔該各位，可唔可以教下我同我家人點解決呢個問題？上過社署個網睇，有份關於老人虐待既單張，有解釋過，有case studies，但我只覺得佢地講既野太ideal了…

俾d意見我，同我屋企人，手背手掌都係肉，可以點好?